[PC1] Remigius Florentinus, Per contra dictus Per contra dictus
Thomas bisso sine fictus
virgineo flore
candens fideique nitore.

Sed fundo vere
quas novit aque caruere
doctor doctorum
sanctusque cacumine morum.

Quam verus frater
per amorem, viscere mater!
Sincerus fator
que predicat est operator.

Preque dicatorum
que coronaque culmen honorum.
Spiritus et vino
gaudens est ortus Aquino

utque carens quino
sensu speculans aquilino.
Uno quinum
morteque denum prevenit annum.

Maximus ex gente
minimus reputans sine dente
hic moritur Christe
Deus, heu veniet quis ut iste?

Heu nova cur Fossa
tenet hec Venerabilis ossa?
Obsecro tollantur
a fratribus hec teneantur.

Eius fit velle
mestis revelatio melle.
Semper letetur
te pro nobis que precetur.