Textum a M. H. Laurent Sancti Maximini 1937 editum
recognovit Enrique Alarcón et instruxit

---

---

[L8] Petrus de Ota, Testamentum Roffridi de Monte In nomine Domini nostri Ihesu Christi. Anno incarnationis eius millesimo ducentesimo quadragesimo secundo, regnante domno nostro Frederico, Dei gratia Romanorum imperatore semper augusto, Ierusalem et Sicilie rege, mense augusti, undecimo die eiusdem mensis, indictione quintadecima, fatemur, nos magister Petrus de Ota, iudex et advocatus Casinensis, fratrem Riccardum, vice decanum Casinensem, de mandato domni Stefani, Dei gratia venerabilis abbatis Casinensis, petisse a nobis pro parte et vice venerabilis conventus Casinensis, ut testamentum domni Roffridi de Monte, sigillis eiusdem domni Roffridi et magistri Raynaldi, iudicis et advocati Casinensis, sigillatum, ad petitionem nobilis viri domni Iacobi de Aquino, qui gerebat vices domni Adenulfi de Aquino, fratris sui executoris dicti testamenti, domni Nicolai, monachi, domni Bartholomei de Monte, fratris ipsius domni Roffridi, et Malgerii Petri de Aymone executorum testamenti prefari coram eodem domno abbate, nobis ipsis, Stephano, monasterii Casinensis et Sancti Germani publico notario et subscriptis testibus ad hoc specialiter rogatis videlicet: magistro Leonardo, magistro Bartholomeo domni Petri, magistro Sifrido, notario Philippo et aliis quam pluribus bonis hominibus de Sancto Germano, sollemnipter apertum et lectum in hoc praesens publicum instrumentum transcribi faceremus, quod ideo prenominatus vice decanus se petere dicebat quia cum idem domnus Roffridus quasdam res dicto conventui pro anima sua in eodem testamento legaverit, desiderabant tam predictus abbas quam dicti vice decanus et conventus Casinensis ut transcriptum ipsum fieret ad perpetuum commodum et cautelam perpetuam Casinensis conventus.
Nos autem, petitionem ipsam utpote iustam et rationabilem admictentes, testamentum ipsum videntes attente ac diligenter inspicientes integris predictis sigillis sigillatum, consequenter, ut predictum est, apertum et lectum manu suprascripti notarii Stephani scriptum ut cognovimus, et idem notarius asserebat constanter subscriptionibus suprascripti magistri Raynaldi et aliorum testium roboratum, omni vitio, litura et suspicione carere, ipsum de verbo ad verbum fideliter per manus suprascripti notarii Stephani, nullo verbo addito, mutato vel detracto, in hoc transcribi fecimus publicum instrumentum. Erat autem tenor ipsius testamenti per omnia et singula talis
...
Preterea ego constitui quartam uxori mee quinquaginta uncias auri in bonis meis, et ipsa confessa fuit coram domino Philippo de Aquino et fratre eius magistro Raynaldo et quampluribus aliis se iam recepisse pro ipsa quarta a me viginti et novem uncias
...
quod si non fecerit, volo ut dominus Philippus de Aquino et dominus Adenolfus hoc faciant. Preterea eandem uxorem meam relinquo in manibus dominorum Philippi et Adenulphi de Aquino et Bartholomei fratris mei
...