---

Haec quaestio de libro vitae continetur seorsum in duabus copiis quaestionum De potentia. Incipit vero his verbis: «Nono quaeritur (...) ». Forte octo articuli priores sunt in q. 7 De veritate, ubi etiam agitur de libro vitae, quia, in eius copia originali, ab ipso Thoma dictata, album magnum reperitur post articulum octavum.

Editores ergo Leonini merito haesitaverunt si hic articulus, congruus themate, extensione, et tempore compositionis cum illo albo, sit vere articulus IX quaestionis VII De veritate, ut eius initium suggerit. Ibi ergo eum ediderunt, etsi typis minoribus.